Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Nuevos cursos n'asturianu

Votos

(Total de votos recibidos 27)

(Puntuación 3,19)

llingua

Nel CMI d'El LLano

Esti cuatrimestre la UP ufierta na so programación dos nuevos cursos de cultura asturiana que vienen a complementar ufiertes anteriores y cola novedá de que se van dar n'asturianu. El primeru d'ellos, Topónimos de Xixón: orixe y significáu, tratará de dar a conocer l'importante patrimoniu cultural que conformen los nomes de los llugares, ya que'l traviés d'ellos podemos llograr abundante información sobre l'orixe d'esos nomes, del territoriu y de les persones qu'ellí habiten. A partir del 16 de febreru.

El segundu tratará'l tema de la normalización y la dinamización llingüística en diferentes coleutivos de la sociedá actual, asina como los recursos culturales esistentes en Xixón y Asturies que se puen utilizar pa ello. El cursu, Dinamizar actividaes en llingua asturiana: medios y recursos, comienza el 9 de marzu.

Amás, como davezu, toes aquelles persones interesaes n'iniciase na llingua asturiana, podrán matriculase nel cursu Llingua asturiana: iniciación, que va empezar el día 15 de febreru. Sedrá un cursu práuticu nel que se realizarán exercicios orales y escritos pa deprender vocabulariu y gramática, y nel que se van ver tamién dellos aspeutos rellacionaos cola cultura asturiana, como la mitoloxía, los deportes tradicionales o los estilos musicales.